«Liverpul» qanot himoyachisi Endryu Robertson joriy mavsum yakunlanganidan keyin jamoani tark etadi. Bu haqda Topskills Sports UK nashri xabar bermoqda.

Eslatib o‘tamiz, yanvar oyida Londonning «Tottenxem» klubi 31 yoshli futbolchini sotib olishga urinib ko‘rgandi, biroq kelishuv amalga oshmagan edi. Manbaning bergan ma’lumotiga ko‘ra, «shporlar» shotlandiyalik futbolchini yozda erkin agent maqomida o‘z safiga qo‘shib olishga yana bir bor harakat qilib ko‘rishlari mumkin. Shuningdek, Robertsonga Saudiya Arabistoni, Turkiya va Shotlandiya klublari tomonidan ham qiziqish borligi ta’kidlanmoqda.

Robertson 2017 yildan beri «Liverpul» sharafini himoya qilib keladi. Joriy mavsumda u barcha turnirlarni inobatga olgan holda 24 ta o‘yinda ishtirok etib, bitta gol urdi va bitta golli uzatmaga mualliflik qildi.