«Севилья» бош мураббийи Матиас Альмейда ҳакамликдан ғазаб билан норозилик билдиргани учун еттита ўйинга дисквалификация қилинди. Еттита ўйин — бу анча узоқ муддатли жазо. The Touchline нашрининг эътибор қаратишича, бу Қироллик Испания футбол федерацияси интизом қўмитаси томонидан охирги 12 йил ичида тайинланган энг узоқ муддатли дисквалификация ҳисобланади.
«Севилья» ҳозирда Испания чемпионати турнир жадвалида 13-ўринни эгаллаб турибди. Жамоа навбатдаги ўйинини якшанба куни, 22 февраль санасида сафарда «Хетафе»га қарши ўтказади.
Ла Лигада «Реал» пешқадамлик қилмоқда. Иккинчи ўриндаги «Барселона» ундан икки очкога ортда қолмоқда.
