«Бенфика» бош мураббийи Жозе Моуриньо навбатдаги матбуот анжуманини фақат клуб телеканали учун ўтказадиган бўлди. Шанба куни жамоа «Авеш»га қарши майдонга тушади, португалиялик мутахассис эса жума куни кундузи BTV (Бенфика ТВ) эфирида чиқиш қилади.
A Bola нашрининг ёзишича, бу қарор Чемпионлар лигаси доирасидаги «Реал»га қарши ўйинда (0:1) Жанлука Престианни ва Винисиус Жуниор ўртасида юз берган можаро билан боғлиқ бўлиши мумкин. Мадридликлар вингери «Бенфика» ҳужумчисини «маймун» деб ҳақорат қилганликда айблаган эди. Моуриньонинг ушбу вазият бўйича айтган гаплари кўплаб танқидларга сабаб бўлди.
Хусусан, мураббий шундай деган эди: «Нимадир нотўғри кетяпти, чунки бу ҳолат ҳар бир стадионда такрорланмоқда. Винисиус ўйнайдиган ҳар қандай стадионда доим нимадир содир бўлади».
