«Benfika» bosh murabbiyi Joze Mourinyo navbatdagi matbuot anjumanini faqat klub telekanali uchun o‘tkazadigan bo‘ldi. Shanba kuni jamoa «Avesh»ga qarshi maydonga tushadi, portugaliyalik mutaxassis esa juma kuni kunduzi BTV (Benfika TV) efirida chiqish qiladi.
A Bola nashrining yozishicha, bu qaror Chempionlar ligasi doirasidagi «Real»ga qarshi o‘yinda (0:1) Janluka Prestianni va Vinisius Junior o‘rtasida yuz bergan mojaro bilan bog‘liq bo‘lishi mumkin. Madridliklar vingeri «Benfika» hujumchisini «maymun» deb haqorat qilganlikda ayblagan edi. Mourinyoning ushbu vaziyat bo‘yicha aytgan gaplari ko‘plab tanqidlarga sabab bo‘ldi.
Xususan, murabbiy shunday degan edi: «Nimadir noto‘g‘ri ketyapti, chunki bu holat har bir stadionda takrorlanmoqda. Vinisius o‘ynaydigan har qanday stadionda doim nimadir sodir bo‘ladi».
