АҚШ футбол федерацияси Россия терма жамоаси билан эҳтимолий ўртоқлик учрашувини ўтказиш масаласи юзасидан изоҳ берди. Аввалроқ Россия футбол иттифоқи томонидан бу каби воқеа содир бўлиши мумкинлиги ҳақида хабар берилган эди.
«Биз Россия билан асосий терма жамоалар ўртасида қандайдир ўйинлар ўтказиш бўйича музокаралар олиб бораётганимиз йўқ», — дейилади Америка томони матбуот хизматининг «Матч ТВ» телеканалида эълон қилинган баёнотида.
Таъкидлаш жоизки, ўтмишда Россия ва АҚШ терма жамоалари ўзаро 5 маротаба тўқнаш келишган. Ушбу учрашувларнинг 3 тасида дуранг натижа қайд этилган бўлса, 2 тасида Россия терма жамоаси ғалаба қозонган.
