«Вулверхэмптон»нинг 18 ёшли ҳужумкор ярим ҳимоячиси Матеус Мане клубни тарк этишга яқин турибди.

CaughtOffside нашрининг хабар беришича, «бўрилар» ўз иқтидорини йўқотиш эҳтимоли билан аллақачон келишиб бўлишган. Футболчи катта эҳтимол билан мавсум якунланганидан кейин жамоадан кетади. Маненинг хизматларига «Ливерпуль», «Манчестер Юнайтед» ва «Арсенал» қизиқиш билдирмоқда, бироқ айни дамда бу пойгада айнан мерсисайдликлар пешқадамлик қилмоқда. «Вулверхэмптон» ярим ҳимоячи учун 57 миллион евро талаб қилиши кутилмоқда.

Жорий мавсумда Мане барча мусобақаларда 33 та ўйинда майдонга тушиб, етти бор рақиблар дарвозасини ишғол қилди ва олтита голли узатма муаллифига айланди.