«Vulverxempton»ning 18 yoshli hujumkor yarim himoyachisi Mateus Mane klubni tark etishga yaqin turibdi.

CaughtOffside nashrining xabar berishicha, «bo‘rilar» o‘z iqtidorini yo‘qotish ehtimoli bilan allaqachon kelishib bo‘lishgan. Futbolchi katta ehtimol bilan mavsum yakunlanganidan keyin jamoadan ketadi. Manening xizmatlariga «Liverpul», «Manchester Yunayted» va «Arsenal» qiziqish bildirmoqda, biroq ayni damda bu poygada aynan mersisaydliklar peshqadamlik qilmoqda. «Vulverxempton» yarim himoyachi uchun 57 million yevro talab qilishi kutilmoqda.

Joriy mavsumda Mane barcha musobaqalarda 33 ta o‘yinda maydonga tushib, yetti bor raqiblar darvozasini ishg‘ol qildi va oltita golli uzatma muallifiga aylandi.