Ўз вақтида "Арсенал" шарафини ҳимоя қилган Пол Мерсон бўлажак Лондон дербисидан нималар кутаётгани ҳақида гапирди.
Эртага, 22 февраль куни "канонирлар" Англия премьер-лигасининг 27-турида "Тоттенхэм" меҳмони бўлади.
"Тоттенхэм" янги бош мураббийга эга ва дербида тўлиқ эркин ҳаракат қилиш имкониятига эга. "Тоттенхэм" ютқазса - ҳеч кимнинг иши йўқ. "Арсенал"нинг ғалабасини кутяпман, аммо улар ғалаба қозона олмасалар ажабланмайман", - деди Мерсон.
"Шпорлар" айни дамда 29 очко билан мусобақа жадвалида 16-ўринда бормоқда. Чемпионат пешқадами "Арсенал" ҳисобида 58 очко мавжуд.
