Англия терма жамоаси ва "Манчестер Юнайтед" клуби собиқ ҳужумчиси Уэйн Руни Мадриднинг "Реал" клуби АПЛда қандай натижа қайд этиши мумкинлиги ҳақидаги фикрлари билан ўртоқлашди.
"Реал" Англияда қайси ўринни эгаллаган бўларди? АПЛда уларни Ла Лигага қараганда анча қийинроқ тақвим кутади. Менимча, мадридликлар кучли тўртликдан жой олишган бўларди — учинчи ёки тўртинчи ўрин. Сафардаги ўйинларда "қаймоқранглилар" муаммоларга дуч келган бўлишарди", — дея собиқ футболчининг сўзларини келтиради "Madrid Universal".
Испания чемпионатининг 24 та тури якунларига кўра, "қироллик клуби" 60 очко билан турнир жадвалида пешқадамлик қилмоқда. "Реал" Каталониянинг "Барселона" жамоасини икки очкога ортда қолдирмоқда.
