"Астон Вилла" ҳужумчиси Тэмми Абрахам шанба оқшомида АПЛ доирасида кечган "Лидс"га қарши баҳсда (1:1) ўз жамоасига дуранг тақдим этди. Шу тариқа, англиялик ҳужумчи нақ олти йиллик танаффусдан сўнг Премьер-лигада яна гол уришга муваффақ бўлди.
Абрахам 21 февралга қадар АПЛдаги сўнгги голини 2020 йилда, "Челси" шарафини ҳимоя қилаётган кезларида урган эди. Ўшанда, 2020 йилнинг 26 декабрида у "Арсенал" дарвозасини ишғол қилганди (3:1). Ўша вақтдан бери беш йилдан ортиқ вақт ўтди.
Шундан сўнг Тэмми фаолиятини "Рома", "Милан" ва "Бешиктош" клубларида давом эттирди. Жорий қишда эса ҳужумчи ватанига қайтиб, "Астон Вилла" либосини кийди.
