Англия Премьер-лигасининг 27-туридан ўрин олган «Манчестер Сити» ва «Ньюкасл Юнайтед» жамоалари ўртасидаги учрашув якунланди. Манчестердаги «Этихад» стадионида кечган баҳсда «шаҳарликлар» 2:1 ҳисобида ғалаба қозонишди. Учрашувни бош ҳакам Томас Брамэлл бошқариб борди.
Ўйиннинг 14-дақиқасида Нико О'Райли ҳисобни очди ва мезбонларни олдинга олиб чиқди. 22-дақиқага келиб, Льюис Холл жавоб тўпини киритишга муваффақ бўлди. Бироқ орадан кўп ўтмай, 27-дақиқада О'Райли дублини расмийлаштириб, жамоасининг ғалабасини таъминлади.
Ҳамюртимиз Абдуқодир Ҳусанов иккинчи бўлим аввалида Рубен Диаш ўрнига майдонга тушди.
Ушбу ғалабадан сўнг «Манчестер Сити» 56 очко билан Англия олий дивизиони турнир жадвалида иккинчи ўринни эгаллаб турибди. «Ньюкасл Юнайтед» эса 36 очко билан 10-поғонада қолди.
Кейинги турда «шаҳарликлар» сафарда «Лидс Юнайтед» меҳмони бўлишади, «қарғалар» эса ўз майдонларида «Эвертон»ни қабул қилади. Иккала ўйин ҳам 28 февраль куни бўлиб ўтади.
АПЛ. 27-тур
22.02.2026 | 01:00
«Этихад», Манчестер
«МАНЧЕСТЕР СИТИ» — «НЬЮКАСЛ ЮНАЙТЕД» — 2:1 (LIVE)
Голлар: ОРайли 14’ (1:0), Холл 22’ (1:1), ОРайли 27’ (2:1).
«Манчестер Сити»: Доннарумма, Аит Нури, Гехи, Рубен Диаш (Абдуқодир Ҳусанов, 46), Матеус Нунес, Родри, О`Райли, Бернарду Силва, Семеньо (Фоден, 87), Мармуш (Шерки, 58), Холанн.
«Ньюкасл Юнайтед»: Поуп, Холл, Берн, Тшау, Триппьер, Уиллок (Барнс, 60), Тонали, Рэмси, Гордон (Осула, 78), Вольтемаде (Жоэлинтон, 60), Эланга (Мерфи, 78).
Огоҳлантиришлар: Рубен Диаш (41), Бернарду Силва (50) — Берн (9), Уиллок (48), Барнс (62), Триппьер (65), Жоэлинтон (89).
