"Манчестер Сити" марказий ҳимоячиси Марк Гехи жамоадоши Эрлинг Холанд ҳақида гапирди. Норвегиялик футболчи шанба куни "Ньюкасл"га қарши учрашувда гол ура олмади, аммо у голли узатма берди ва Пеп Гвардиоланинг мақтовига сазовор бўлди.
"Мураббий Эрлингнинг бугунги ўйини ҳақида махсус нутқ сўзлади. Унинг ишчанлик одати шунчаки ажойиб. У Дэн Бёрн билан ҳар бир тўп учун курашди, бу жуда қийин жараён!
Дэн жуда кучли, у бош билан ажойиб зарба беради. Холанд ҳақиқий ҳужум устуни. Мен у учун хурсандман", — деди Гехи.
