"Ал-Ҳилол" ҳужумчиси Дарвин Нуньес Англия Премьер-лигасига кўчиб ўтиши мумкин. Бу ҳақда "TEAMtalk" нашри хабар бермоқда.
Эслатиб ўтамиз, Нуньес Карим Бензема билан шартнома имзоланганидан сўнг, "Ал-Ҳилол"нинг Саудия Арабистони чемпионати учун қайдномасидан чиқариб юборилган эди. Бунга клубнинг легионерлар лимитига сиғмай қолгани сабаб бўлган.
Таъкидланишича, Нуньеснинг вакиллари аллақачон Англиянинг бир нечта клублари, жумладан, "Тоттенхэм" ва "Ньюкасл" билан музокаралар ўтказишган.
2022 йилдан 2025 йилгача Нуньес "Ливерпуль" шарафини ҳимоя қилган, ўтган ёзда эса 53 миллион евро эвазига Саудия Арабистонига кўчиб ўтган эди. Жорий мавсумда 26 ёшли уругвайлик футболчи барча мусобақаларда 24 та ўйин ўтказиб, 9 та гол урди ва 5 та голли узатмани амалга оширди.
