«Тоттенхэм» бош мураббийи Игор Тудор дербида «Арсенал»дан қабул қилиб олинган йирик мағлубиятга (1:4) изоҳ берди.
Танаффусга қадар ҳисоб 1:1 кўринишида эди, бироқ иккинчи бўлимда «канонирлар» учта гол уриб, ғалабани илиб кетишди.
«Мен ҳафсалам пир бўлганини яширмайман, биз етарлича яхши ўйин кўрсата олмадик. «Арсенал» анча кучлироқ ўйнади. Ҳозирги вақтда жамоалар ўртасидаги фарқ жуда катта. Рақиб тезкорроқ, кучлироқ эди, уларда шунчаки энергия ва иштиёқ кўпроқ бўлди. Бундан сабоқ чиқаришимиз ва ишлашда давом этишимиз керак», — деди Тудор.
«Арсенал» 61 очко билан турнир жадвалида пешқадамлик қилмоқда, «Тоттенхэм» эса 29 очко билан 16-ўринда бормоқда.
