«Барселона» ҳимоячиси Жоау Канселу «Ал-Ҳилол»дан кўчиб ўтганидан сўнг энг яхши спорт формасида бўлмаганини тан олди.
Ла Лига гранди 31 ёшли футболчини қишки трансфер ойнасида Саудия клубидан ижарага олган эди.
«Ал-Ҳилол»даги фаолиятим якунида мен жиддий қийинчиликларга дуч келдим ва энг яхши ҳолатимда эмасдим. Бу менинг руҳий ҳолатимга ҳам салбий таъсир кўрсатди, шунинг учун менга янгича бошланиш керак эди.
«Барселона»га келган вақтимда спорт формам идеал эмасди, тайёргарлик даражаси бўйича жамоадошларимдан ортда қолаётгандим. Аммо ўшандан бери аста-секин оптимал ҳолатимга яқинлашиб боряпман», – деди Канселу журналистлар билан суҳбатда.
28 февраль куни каталонияликлар Ла Лига доирасида «Вильярреал»га қарши майдонга тушади.
