«Barselona» himoyachisi Joau Kanselu «Al-Hilol»dan ko‘chib o‘tganidan so‘ng eng yaxshi sport formasida bo‘lmaganini tan oldi.
La Liga grandi 31 yoshli futbolchini qishki transfer oynasida Saudiya klubidan ijaraga olgan edi.
«Al-Hilol»dagi faoliyatim yakunida men jiddiy qiyinchiliklarga duch keldim va eng yaxshi holatimda emasdim. Bu mening ruhiy holatimga ham salbiy ta’sir ko‘rsatdi, shuning uchun menga yangicha boshlanish kerak edi.
«Barselona»ga kelgan vaqtimda sport formam ideal emasdi, tayyorgarlik darajasi bo‘yicha jamoadoshlarimdan ortda qolayotgandim. Ammo o‘shandan beri asta-sekin optimal holatimga yaqinlashib boryapman», – dedi Kanselu jurnalistlar bilan suhbatda.
28 fevral kuni kataloniyaliklar La Liga doirasida «Vilyarreal»ga qarshi maydonga tushadi.
