Бельгиялик ҳужумчи Лои Опенда ўтган ёзда «Ювентус»га ўтган эди. Оммавий ахборот воситаларининг маълумотларига кўра, туринликлар футболчини «РБ Лейпциг»дан 3 миллион евро эвазига ижарага олишган ва 47 миллион еврога сотиб олиш мажбуриятини ўз зиммаларига олишган.
Опенда «Ювентус» сафида 31 та ўйинда майдонга тушди. Уларда ҳужумчи бор-йўғи иккита гол урди. Туринликлар футболчининг кўрсатаётган ўйинидан норози. Бу ҳақда инсайдер Николо Скира хабар бермоқда.
Қайд этилишича, футболчи Италия клубининг келажакдаги режаларига кирмайди. Шу сабабли, «Ювентус» ёзда Лои Опендани бошқа жамоага сотиб юборишга ҳаракат қилади.
