Belgiyalik hujumchi Loi Openda o‘tgan yozda «Yuventus»ga o‘tgan edi. Ommaviy axborot vositalarining ma’lumotlariga ko‘ra, turinliklar futbolchini «RB Leypsig»dan 3 million yevro evaziga ijaraga olishgan va 47 million yevroga sotib olish majburiyatini o‘z zimmalariga olishgan.
Openda «Yuventus» safida 31 ta o‘yinda maydonga tushdi. Ularda hujumchi bor-yo‘g‘i ikkita gol urdi. Turinliklar futbolchining ko‘rsatayotgan o‘yinidan norozi. Bu haqda insayder Nikolo Skira xabar bermoqda.
Qayd etilishicha, futbolchi Italiya klubining kelajakdagi rejalariga kirmaydi. Shu sababli, «Yuventus» yozda Loi Opendani boshqa jamoaga sotib yuborishga harakat qiladi.
