Ҳужумчи Пауло Дибаланинг келажаги ноаниқлигича қолмоқда ва кенг муҳокама қилинмоқда. Аргентиналик футболчининг "Рома" билан амалдаги шартномаси жорий мавсум якунига қадар мўлжалланган.
Журналист Маттео Моретто хабар беришича, 32 ёшли Дибала машҳур "Бока Хуниорс" клуби билан музокаралар олиб бормоқда. Томонлар ёзда эркин агент мақомида амалга оширилиши мумкин бўлган трансферни муҳокама қилишмоқда.
"Рома"га келсак, клуб Дибалага пасайтирилган шартлар асосида янги шартнома таклиф қилиш имкониятини кўриб чиқмоқда.
2025/2026 йилги мавсумда Пауло Дибала 22 та ўйинда майдонга тушиб, 3 та гол урди ва шерикларига 4 та голли узатмани амалга оширди. "Рома" айни дамда А Серия турнир жадвалида тўртинчи ўринни эгаллаб турибди.
