Hujumchi Paulo Dibalaning kelajagi noaniqligicha qolmoqda va keng muhokama qilinmoqda. Argentinalik futbolchining "Roma" bilan amaldagi shartnomasi joriy mavsum yakuniga qadar mo‘ljallangan.
Jurnalist Matteo Moretto xabar berishicha, 32 yoshli Dibala mashhur "Boka Xuniors" klubi bilan muzokaralar olib bormoqda. Tomonlar yozda erkin agent maqomida amalga oshirilishi mumkin bo‘lgan transferni muhokama qilishmoqda.
"Roma"ga kelsak, klub Dibalaga pasaytirilgan shartlar asosida yangi shartnoma taklif qilish imkoniyatini ko‘rib chiqmoqda.
2025/2026 yilgi mavsumda Paulo Dibala 22 ta o‘yinda maydonga tushib, 3 ta gol urdi va sheriklariga 4 ta golli uzatmani amalga oshirdi. "Roma" ayni damda A Seriya turnir jadvalida to‘rtinchi o‘rinni egallab turibdi.
