«Байер» вингери Эрнест Поку Италиянинг топ-клублари нишонига тушди. Бу ҳақда инсайдер Николо Скира хабар бермоқда.
Қайд этилишича, айни дамда футболчининг ҳаракатларини иккита гранд жамоа кузатиб бормоқда. Покуни ўз сафига қўшиб олиш учун «Наполи» ва «Ювентус» жиддий қизиқиш билдирган. Футболчининг леверкузенликлар билан амалдаги шартномаси 2030 йилнинг ёзига қадар мўлжалланган.
Жорий мавсумда Эрнест Поку «Байер» сафида 32 та ўйинда майдонга тушди. Ушбу баҳсларда вингер «гол + пас» тизимида 12 очко (5 та гол ва 7 та голли узатма) тўплашга муваффақ бўлди.













