«Bayer» vingeri Ernest Poku Italiyaning top-klublari nishoniga tushdi. Bu haqda insayder Nikolo Skira xabar bermoqda.
Qayd etilishicha, ayni damda futbolchining harakatlarini ikkita grand jamoa kuzatib bormoqda. Pokuni o‘z safiga qo‘shib olish uchun «Napoli» va «Yuventus» jiddiy qiziqish bildirgan. Futbolchining leverkuzenliklar bilan amaldagi shartnomasi 2030 yilning yoziga qadar mo‘ljallangan.
Joriy mavsumda Ernest Poku «Bayer» safida 32 ta o‘yinda maydonga tushdi. Ushbu bahslarda vinger «gol + pas» tizimida 12 ochko (5 ta gol va 7 ta golli uzatma) to‘plashga muvaffaq bo‘ldi.













