"Манчестер Юнайтед" ҳимоячиси Лисандро Мартинес болдир мушагидан жароҳат олганликда гумон қилинаётгани сабабли жамоасининг "Эвертон"га қарши ўйинини ўтказиб юборди. Бу ҳақда "The Athletic" нашри хабар бермоқда.
"МЮ"даги фаолияти давомида доимий равишда жароҳатлар билан курашиб келган Мартинес, чап тиззасидаги олдинги хочсимон бойламлар шикастланишидан тикланиб, тўққиз ойлик танаффусдан сўнг ноябрь ойида сафга қайтган эди. 28 ёшли футболчи АПЛнинг сўнгги 9 та ўйинида узлуксиз равишда асосий таркибда майдонга тушди.
Жамоадагилар ушбу муаммо ўйинчини бор-йўғи 1-2 ҳафтага сафдан чиқаришига умид қилишмоқда.
