"Manchester Yunayted" himoyachisi Lisandro Martines boldir mushagidan jarohat olganlikda gumon qilinayotgani sababli jamoasining "Everton"ga qarshi o‘yinini o‘tkazib yubordi. Bu haqda "The Athletic" nashri xabar bermoqda.
"MYU"dagi faoliyati davomida doimiy ravishda jarohatlar bilan kurashib kelgan Martines, chap tizzasidagi oldingi xochsimon boylamlar shikastlanishidan tiklanib, to‘qqiz oylik tanaffusdan so‘ng noyabr oyida safga qaytgan edi. 28 yoshli futbolchi APLning so‘nggi 9 ta o‘yinida uzluksiz ravishda asosiy tarkibda maydonga tushdi.
Jamoadagilar ushbu muammo o‘yinchini bor-yo‘g‘i 1-2 haftaga safdan chiqarishiga umid qilishmoqda.
