"Атлетико Мадрид" ҳужумчиси Антуан Гризманн "Орландо Сити"га ўтиши мумкин.
34 ёшли французнинг МЛС клуби билан музокаралари юқори босқичда. "Орландо" бош менежери ва спорт директори Рикардо Морейра келишув устида ишлаш учун Испанияга бир неча бор ташриф буюрган.
"Орландо" ҳужумчини 26-март куни МЛС трансфер ойнаси ёпилгунга қадар сотиб олмоқчи. Агар у шартнома имзоласа, Гризманн катта маош олади.
Футболчининг "Атлетико" билан шартномаси 2027 йил 30 июнгача амал қилади ва The Athletic нашрининг хабар беришича, Гризманн Мадрид клубини Европадаги кейинги ёзги трансфер ойнасигача тарк этиш ниятида эмас.
Бундан ташқари, "Орландо" ва "Атлетико" ўртасида Гризманн борасида расмий ва ишончли музокаралар олиб борилмаган.
Ҳужумчига яна учта МЛС клуби қизиқиш билдирмоқда, аммо "Орландо" Гризманнни сотиб олиш учун устувор ҳуқуққа эга.
