Англия терма жамоаси ва "МЮ" собиқ футболчиси Рио Фердинанд Лиссабоннинг "Бенфика" клуби бош мураббийи Жозе Моуриньонинг УЕФА Чемпионлар лигаси биринчи ўтиш ўйинидан сўнг "Реал Мадрид" юлдузи Винисиус шаънига айтган гапларига муносабат билдирди.
"Бироз вақт ўтгач, Моуриньо нотўғри гапирганини тан олади. Лекин бу сўзлар уни ирқчига чиқармайди. У қора танли футболчилар учун кўп иш қилган. Кўпчилик уни ўзининг иккинчи отаси деб билади. Ирқчилик — бу Жозе ҳақида эмас", — дея афсонавий ҳимоячининг сўзларидан иқтибос келтиради "Mirror".
Эслатиб ўтамиз, "Бенфика"га қарши ўйинда Винисиус ирқчиликка дучор бўлган эди. Учрашув якунида Моуриньо: "Винисиус пайдо бўлган ҳар бир стадионда доим нимадир содир бўлади", — деб баёнот берганди.
