Angliya terma jamoasi va "MYU" sobiq futbolchisi Rio Ferdinand Lissabonning "Benfika" klubi bosh murabbiyi Joze Mourinyoning UYEFA Chempionlar ligasi birinchi o‘tish o‘yinidan so‘ng "Real Madrid" yulduzi Vinisius sha’niga aytgan gaplariga munosabat bildirdi.
"Biroz vaqt o‘tgach, Mourinyo noto‘g‘ri gapirganini tan oladi. Lekin bu so‘zlar uni irqchiga chiqarmaydi. U qora tanli futbolchilar uchun ko‘p ish qilgan. Ko‘pchilik uni o‘zining ikkinchi otasi deb biladi. Irqchilik — bu Joze haqida emas", — deya afsonaviy himoyachining so‘zlaridan iqtibos keltiradi "Mirror".
Eslatib o‘tamiz, "Benfika"ga qarshi o‘yinda Vinisius irqchilikka duchor bo‘lgan edi. Uchrashuv yakunida Mourinyo: "Vinisius paydo bo‘lgan har bir stadionda doim nimadir sodir bo‘ladi", — deb bayonot bergandi.













