Сўнгги миш-мишларга кўра, Германия терма жамоаси аъзоси Ник Вольтемаде «Ньюкасл Юнайтед»даги атиги бир мавсумлик фаолиятидан кейин жамоани тарк этиши мумкин. Инсайдер Пит О’Рурк 24 ёшли футболчи атрофидаги вазиятга баҳо берди.
«Ньюкасл» Вольтемадени фақат ўзи кетишни истаган тақдирдагина қўйиб юборади», — деди О’Рурк «Transfer Insider» подкастида.
У шунингдек, қуйидагиларни қўшимча қилди: «Ньюкасл»нинг уни бунчалик эрта сотиб юбориши катта кутилмаган воқеа бўларди. У клуб учун муҳим узоқ муддатли инвестиция ҳисобланади. Клуб у учун катта маблағ сарфлаган ва 2031 йилгача шартнома имзолаган, шу боис футболчининг ўзи хоҳламаса, у билан хайрлашиш ҳали эрта».
О’Руркнинг таъкидлашича, агар Вольтемаде трансфер сўрайдиган бўлса, «Ньюкасл» унинг ўрнига «Кристал Пэлас»дан Жан-Филипп Матета номзодини муносиб ўринбосар сифатида кўриб чиқиши мумкин.
