Мадриднинг "Атлетико" клуби ярим ҳимоячиси Коке Чемпионлар лигаси доирасида Бельгиянинг "Брюгге" клубига қарши кечадиган учрашувга бағишланган матбуот анжуманида чиқиш қилди.
Плей-оффнинг жавоб учрашуви 24 февраль куни бўлиб ўтади, ҳакам Клеман Тюрпеннинг бошланғич ҳуштаги Тошкент вақти билан 22:45 да янграйди. Эслатиб ўтамиз, дастлабки ўйин 3:3 ҳисобида якунланган эди.
"Биз курашишимиз, ҳар бир тўп учун курашишимиз ва, албатта, гол уришимиз керак. Бизга шундай кечалар керакки, унда мухлисларимиз бор кучини ишга солсин, футболчилар ҳам уларга шундай жавоб қайтарсин", - дея Кокенинг сўзларини келтиради УEФА сайти.
