Аргентина чемпионати ўйинлари Аргентина футбол ассоциацияси (АФА) молиявий фирибгарликда айбланганлиги сабабли қолдирилади. Бу ҳақда ташкилот матбуот хизмати хабар бермоқда.
Аргентина профессионал футболидаги барча фаолият 5-8 март кунлари тўхтатилади.
Аввалроқ мамлакат божхона назорати агентлиги (АРCА) АФАни солиқ мажбуриятлари бўйича қарздорликни тўламаганликда айблаган эди.
АФА қарздорликни олдиндан тўлаганини ва барча мажбуриятларни бажарганини таъкидлайди. Бу ҳақда ташкилот аллақачон судда маълум қилган. АРCА, ўз навбатида, ҳозирча қарздорликни ундира олмаслигини маълум қилади.
