«Манчестер Юнайтед» клуби «Ноттингем Форест»нинг 28 ёшли ивуарлик ярим ҳимоячиси Ибраим Сангаренинг ўйинларидан ҳайратда. Бу ҳақда GiveMeSport нашри хабар бермоқда.
Манбаларнинг таъкидлашича, «МЮ» ёзги трансфер ойнасида Сангарени сотиб олиш имкониятини жиддий кўриб чиқмоқчи. Клуб раҳбарияти уни жамоанинг асосий таянч нуқтаси бўлган Каземиронинг ўрнини боса оладиган энг муносиб номзод деб ҳисобламоқда. Эслатиб ўтамиз, Каземиро шу йилнинг январь ойида шартномаси якунлангач (2026 йил июнь), мавсум охирида «Олд Траффорд»ни тарк этишини расман эълон қилган эди.
Ибраим Сангаре 2023 йилдан буён «Ноттингем Форест» шарафини ҳимоя қилиб келмоқда. Жорий 2025/2026 йилги мавсумда у барча мусобақаларда 29 та ўйин ўтказиб, 2 та гол урди ва 4 та голли узатмани амалга оширди.
