"Манчестер Юнайтед" клуби ва Англия терма жамоасининг собиқ ҳужумчиси Уэйн Руни АПЛнинг 27-туридан ўрин олган "Тоттенхэм Ҳотспур"га (4:1) қарши ўйиндан кейин "Арсенал" яримҳимоячиси Эберечи Эзени мақташга шубҳа билан қаради. Футболчи бу ўйинда дубль қайд этди.
"Мен Эзенинг мақтаганларга бироз қўшилмайман, чунки у бутун мавсум давомида ўзини зўр кўрсатди деб ўйламайман. "Тоттенхэм" билан икки ўйин уни олдинги ўринга олиб чиқди, аммо қолган ўйинларда у, назаримда, у қадар яхши эмасди.
Ўйлашимча, бу кўп жиҳатдан доимий ўйин амалиёти йўқлиги билан боғлиқ, буни тушунаман, лекин характер нуқтаи назаридан мураббий мендан воз кечиши осон бўлмаслиги учун ўйинлар ва машғулотларда кўп куч сарфлаган бўлардим. Тўғрисини айтганда, у таркибдан жой олиш учун етарлича ҳаракат қилмаяпти. Мартин Эдегор сардор эканлигини тушунаман, лекин сен барибир Микель Артета сени таркибдан ташқарида қолдирмаслигини таъминлашинг керак", - деди Руни BBC учун берган интервьюсида.
