"Тоттенхэм" мухлисларидан бири Англия Премьер-лигасининг 27-турида Лондоннинг "Арсенал" клуби ярим ҳимоячиси Деклан Райсга рафиқасининг суратини масхара қилиб, унинг руҳиятига тегмоқчи бўлди. Бу ҳақда Daily Mail хабар бермоқда.
Ўйин кадрларидан бирида "шпорлар" мухлисларидан бири футболчига рафиқасининг телефондаги суратини кўрсатишга уринаётгани ва буни қўполлик билан изоҳлаётгани акс этган. Бундан ташқари, "шпорлар"нинг баъзи мухлислари Деклан ва Лоренни ҳақорат қилиб бақирган. Аввалроқ қиз ижтимоий тармоқларда таъқибга учраган, шу сабабли у ўз аккаунтларини ўчириб ташлашга мажбур бўлганди.
Тармоқда кўплаб жамоалар мухлислари бир овоздан тартиббузарларнинг тарбиясизлигини қоралаб, уларни жазолашга чақирди.
