"Tottenxem" muxlislaridan biri Angliya Premyer-ligasining 27-turida Londonning "Arsenal" klubi yarim himoyachisi Deklan Raysga rafiqasining suratini masxara qilib, uning ruhiyatiga tegmoqchi bo‘ldi. Bu haqda Daily Mail xabar bermoqda.
O‘yin kadrlaridan birida "shporlar" muxlislaridan biri futbolchiga rafiqasining telefondagi suratini ko‘rsatishga urinayotgani va buni qo‘pollik bilan izohlayotgani aks etgan. Bundan tashqari, "shporlar"ning ba’zi muxlislari Deklan va Lorenni haqorat qilib baqirgan. Avvalroq qiz ijtimoiy tarmoqlarda ta’qibga uchragan, shu sababli u o‘z akkauntlarini o‘chirib tashlashga majbur bo‘lgandi.
Tarmoqda ko‘plab jamoalar muxlislari bir ovozdan tartibbuzarlarning tarbiyasizligini qoralab, ularni jazolashga chaqirdi.
