«Реал» бош мураббийи Альваро Арбелоа Чемпионлар лигаси доирасида «Бенфика»га қарши бўлиб ўтадиган жавоб учрашуви олдидан ўтказилган матбуот анжуманида рақиб ҳужумчиси Жанлука Престианнининг Винисиус билан боғлиқ ирқчилик можароси фонида вақтинча четлатилгани ҳақида фикр билдирди.
«Биз буни кийиниш хонасида муҳокама қилмадик. Менинг фикрим ўзгармас — бизда ирқчиликка зарба бериш имконияти бор. УЕФА ҳар доим бу курашни қўллаб-қувватлаб келган ва энди сезиларли натижаларга эришиш учун қулай имкониятга эга. Вини биринчи ўйинда чиройли, фантастик гол урди. Унинг қилган ёки қила оладиган ҳеч бир ҳаракати ирқчиликни оқлай олмайди», — деди Альваро Арбелоа.
