«Аталанта» дарвозабони Марко Карнесекки трансфер бозорида яна эътибор марказига тушди — «Арсенал» ва «Ювентус» ёзги трансфер ойнаси олдидан италиялик посбонни кузатиб бормоқда.
2028 йилгача шартномага эга бўлган 25 ёшли футболчи жорий мавсумда А Сериянинг энг ёрқин дарвозабонларидан бирига айланди. У 2026 йилда ўз дарвозаси дахлсизлигини 7 бор сақлаб қолди (бу лигадаги энг яхши натижа) ва жами 83 та сейв ижро этди. «Ювентус» уни бир қатор хатоларга йўл қўйган Микеле Ди Грегорио ўрнига номзод сифатида кўраётган бўлса, «Арсенал» ҳам футболчининг ўсишини диққат билан кузатмоқда.
«Аталанта» раҳбарияти ўз ўйинчисига бўлган қизиқиш ортиб бораётганидан хабардор ва унинг учун тахминан 40 миллион евро талаб қилиши кутилмоқда. Бу нарх музокаралар жараёнини бироз мураккаблаштириши мумкин. Карнесеккининг кўрсатаётган ўйинлари унинг Италия терма жамоасидаги келажакдаги ўрнини ҳам мустаҳкамламоқда.
