Ҳужумчи Килиан Мбаппе "Реал"нинг сўнгги икки ўйинида гол ура олмаяпти. Бироқ, мадридликлар бош мураббийи Альваро Арбелоа бунда муаммо кўрмаяпти.
"Мбаппеда голлар борасида муаммо бор деб ўйламайман. У майдонда қарор қабул қилади ва жуда ақлли. У қаерга бориш кераклигини аниқ билади. У жарима майдони ичида ҳам, унинг ташқарисида ҳам муваффақиятли ҳаракат қила олади. Килиан майдонда нима қилиш кераклигини жуда яхши билади ва унинг статистикаси буни тасдиқлайди", - деди Арбелоа матбуот анжуманида.
"Реал" навбатдаги ўйинни 25 февраль куни ўз майдонида "Бенфика"га қарши ўтказади. Биринчи ўйинда "қаймоқранглилар" 1:0 ҳисобида ғалаба қозонишди.
