Дарвозабон Янн Зоммер шу ёзда «Интер»ни тарк этади.

Sky Sports нашрининг хабарига кўра, Милан клуби 37 ёшли швейцариялик посбонга янги шартнома таклиф қилмасликка қарор қилган. Бунинг ўрнига «Интер» янги, ёш дарвозабон билан шартнома имзолашни мақсад қилган. Зоммер жамоани эркин агент сифатида тарк этади.

Янн Зоммер 2023 йилда «Бавария»дан «Интер»га 7 миллион евро эвазига ўтган эди. Унинг амалдаги шартномаси 2026 йилнинг 30 июнига қадар мўлжалланган. Жорий мавсумда дарвозабон миланликлар сафида барча турнирларда 33 та ўйинда майдонга тушиб, ўз дарвозасидан 30 та гол олиб чиқди, 17 та учрашувда эса дарвозаси дахлсизлигини сақлаб қолди. Transfermarkt портали Зоммернинг бозор қийматини 2,5 миллион еврога баҳоламоқда.