Оливер Гласнернинг «Кристал Пэлас» бош мураббийи лавозимидаги келажаги ҳақида янги маълумотлар пайдо бўлди.
«Football Insider» нашрига маълум бўлишича, «бургутлар» раҳбарияти, эҳтимолий истеъфо ҳақидаги миш-мишларга қарамай, австриялик мутахассисга мавсум якунига қадар ишлаш имконини беради. Гласнер шу йилнинг ёзида, амалдаги шартномаси муддати тугагач, клубни тарк этади.
Оливер Гласнер 2024 йилнинг февраль ойидан буён «Кристал Пэлас»ни бошқариб келмоқда. Унинг қўл остида пойтахт клуби ўз тарихида илк бор Англия кубоги ва Суперкубогини қўлга киритди.
Премьер-лиганинг жорий мавсумида «Кристал Пэлас» 27 та ўйиндан сўнг 35 очко жамғарган ҳолда турнир жадвалида 13-ўринни эгаллаб турибди.
