«Арсенал» ҳужумчиси Виктор Дьёкереш Шимолий Лондон дербисидаги ажойиб ўйинидан сўнг Премьер-лиганинг «Ҳафта футболчиси» деб топилди.
«Тоттенхэм» устидан қозонилган 4:1 ҳисобидаги ғалабада швециялик ҳужумчи иккита гол уриб, жамоасининг муваффақиятига катта ҳисса қўшди.
Мухлислар ўртасида ўтказилган сўровномада Дьёкереш 35% овоз тўплаб, биринчи ўринни эгаллади. Иккинчи ўринни «Манчестер Сити» вакили Нико О'Райли эгаллаган бўлса, «Арсенал»нинг яна бир юлдузи Эберечи Эзе 20% овоз билан кучли учликни якунлаб берди. Шунингдек, «канонирлар» мухлислари Дьёкерешни ўйиннинг энг яхши футболчиси деб ҳам эътироф этишди.
