«Ювентус»нинг собиқ ярим ҳимоячиси Клаудио Маркизио Турин клубига «Ньюкасл» аъзоси Сандро Тоналини сотиб олишни маслаҳат берди. Унинг фикрича, Италия терма жамоаси аъзоси «Альянц Стадиум»да кучли итальянча ўзакни қайта тиклаш учун идеал номзоддир.
«Gazetta dello Sport» нашрига берган интервьюсида Маркизио шундай деди: «Ювентус» ДНКсида доимо кучли итальян футболчилари бўлган. Тонали бу лойиҳани бошлаш учун ажойиб нуқта бўла олади». Шунингдек, Маркизио «Манчестер Сити»га ўтиб кетган Жанлуиджи Доннаруммани қайтариш имконсиз эканини таъкидлаб, бор эътиборни Тоналига қаратиш лозимлигини айтди.
Маълумот учун, Тонали 2023 йилда «Милан»дан «Ньюкасл»га ўтган эди, бироқ унинг келажаги борасидаги мунозаралар ҳамон давом этмоқда.
