«Аталанта» ўз майдонида Чемпионлар лигаси ўтиш (плей-офф) босқичининг жавоб учрашувида Дортмунднинг «Боруссия» жамоасини 4:1 ҳисобида мағлуб этди.
Учрашувнинг 5-дақиқасидаёқ бергамоликлар ҳужумчиси Жанлука Скамакка ҳисобни очди. Биринчи бўлим якунида мезбонларнинг устунлигини Давиде Дзаппакоста икки баробарга оширди. 57-дақиқада эса Марио Пашалич ҳисобни йирик кўринишга олиб келди.
Меҳмонлар асосий вақт тугашига 15 дақиқа қолганда битта жавоб тўпини киритишга муваффақ бўлишди, гол муаллифи — Карим Адейеми.
Бироқ, учрашувнинг 90+8-дақиқасида «Аталанта» ярим ҳимоячиси Лазар Самаржич пенальтидан ҳал қилувчи голни уриб, баҳсга якуний нуқтани қўйди. Икки ўйин натижасига кўра (4:3), Италия клуби кейинги босқич йўлланмасини қўлга киритди.
Европа Чемпионлар лигаси. Ўтиш учрашуви. Жавоб ўйини
25.02.2026 | 22:45
«Атлети Адзурри д’Италия», Бергамо
«АТАЛАНТА» (Италия) — «БОРУССИЯ Д» (Германия) — 4:1
(Биринчи ўйин — 0:2)
Голлар: Скамакка 5 (1:0), Дзаппакоста 45 (2:0), Пашалич 57 (3:0), Адейеми 75 (3:1), Самарджич 90 - пенальтидан (4:1).
«Аталанта»: Карнесекки, Колашинац (Аханор, 72), Хин, Скальвини (Джимсити, 77), Бернаскони, Пашалич, де Рон, Дзаппакоста, Залевски (Сулемана, 85), Самарджич, Скамакка (Крстович, 72).
«Боруссия Д»: Кобель, Бенсебаини, Антон, Эмре Джан, Свенссон, Нмеча, Беллингем (Адейеми, 70), Рюэрсон (Коуту, 70), Брандт (Чуквуэмека, 60), Байер (Силва, 60), Гирасси.
Огоҳлантиришлар: Хин (69) — Бенсебаини (13), Эмре Джан (53), Силва (69).
Четлатиш: Бенсебаини (90, иккинчи сариқ).
