Криштиану Роналду кетма-кет тўртинчи ўйинда гол урди.
«Ан-Наср» ҳужумчиси Саудия Арабистони чемпионати доирасида «Ал-Нажма»га қарши кечган баҳснинг 11-дақиқасида пенальтидан ҳисобни очди. Бунгача у «Ал-Ҳазм» (дубль), «Ал-Фатех» ва «Ал-Холуд» жамоалари дарвозасини ишғол қилган эди.
Умумий ҳисобда португалиялик юлдуз жорий мавсумда чемпионатнинг 21 та ўйинида 21 та гол урди. Барча турнирларни, жумладан терма жамоадаги иштирокини ҳисобга олса, унинг ҳисобида 30 та ўйинда 27 та гол мавжуд.













