Жозе Моуриньо Чемпионлар лигаси плей-офф босқичида навбатдаги муваффақиятсизликка учради.

Унинг қўл остидаги «Бенфика» ўтиш босқичи ўйинларида «Реал»га икки бор имкониятни бой берди (0:1, 1:2) ва 1/8 финалга чиқа олмади. Португалиялик мутахассис бошқарувида энг кучли 16 та жамоа қаторига кирган сўнгги клуб 2019/20 йилги мавсумдаги «Тоттенхэм» бўлиб турибди.

Моуриньо 2014 йилдан бери плей-офф босқичида бирорта ҳам ўйинда ғалаба қозона олмаяпти. 2013/14 йилги мавсумда унинг «Челси»си ярим финалгача етиб борган эди. Шунга сўнг, 2015/16 йилги мавсумда «Челси» «ПСЖ» билан иккита дурангдан кейин (1/8 финал), 2017/18 йилги мавсумда «Манчестер Юнайтед» «Севилья»га қарши бир мағлубият ва бир дуранг билан (1/8 финал), 2019/20 йилги мавсумда эса «Тоттенхэм» худди шу босқичда «Лейпциг»га икки бор мағлуб бўлиб, турнирни тарк этган.