Италия футболининг собиқ юлдузи, «Парма» ва «Интер» клублари собиқ ҳужумчиси Лейте Адриано 2004 йилда «Олтин тўп» соврини украиналик ҳужумчи Андрей Шевченкога берилганини ноҳақлик деб ҳисоблайди. Адрианонинг фикрича, ўшанда ушбу нуфузли мукофотга айнан у лойиқ бўлган.
«Олтин тўп»ни мен ютишим керак эди, деб ҳисоблайман. Уни Шевченко олди, ҳа, лекин мен ўша пайтда ундан қолишмасдим. Балки, ғалаба учун менга бирозгина тартиб-интизом етишмагандир. Аммо бўлар иш бўлди, ўтган кунни қайтариб бўлмайди», — дея Адрианонинг сўзларини келтирмоқда pianetamilan.it нашри.
«Император» лақаби билан машҳур бўлган футболчи ўз фаолиятини 2016 йилда якунлаган эди.
