«Реал»нинг бразилиялик ҳужумчиси Родриго жорий мавсум якунланганидан сўнг жамоасини ўзгартириши мумкин.

Журналист Экрем Конурнинг таъкидлашича, Миланнинг «Интер» клуби Родригонинг «Реал»даги ҳолатини диққат билан кузатиб бормоқда. Шунингдек, ҳужумчига Англиянинг «Арсенал», «Челси» ва «Тоттенхэм» клублари, шунингдек, Саудия Арабистонининг «Ал-Ҳилол» жамоаси ҳам қизиқиш билдирмоқда.

Қайд этилишича, Родригонинг ўзи «Реал»да қолишни истайди, бироқ у захира ўриндиғида ўтиришга рози эмас.

Жорий мавсумда 25 ёшли футболчи барча мусобақаларни ҳисобга олган ҳолда 26 та ўйинда майдонга тушиб, 3 та гол урди ва 6 та голли узатмага муаллифлик қилди.