"Барселона" спорт директори Деку ярим ҳимоячи Френки де Йонгнинг жароҳати борасида тўхталиб ўтди.
Нидерландиялик футболчи машғулот пайтида орттириб олган жароҳати сабабли беш ҳафтадан олти ҳафтагача бўлган муддатга сафдан чиқди.
"Де Йонгнинг жароҳати бизни ғафлатда қолдирди, аммо бундай ҳолатлар бўлиб туради. Бу жуда ноқулай вақтда юз берди, чунки у ажойиб формага кириб олган эди", — дея Декунинг сўзларидан иқтибос келтиради Испания оммавий ахборот воситалари.
28 ёшли хавбек жорий мавсумда "кўк-анорранглилар" сафида 31 та ўйинда иштирок этиб, битта гол ва еттита голли узатмани амалга оширган эди.
Шанба куни каталонияликлар Испания чемпионатининг 26-тури доирасида ўз майдонларида "Вильярреал"га қарши баҳс олиб борадилар.
