"Реал" вице-президенти Эмилио Бутрагеньо Чемпионлар лигаси 1/8 финалида "Манчестер Сити"га қарши навбатдаги тўқнашув ҳақида ўз фикрларини билдирди. Бу жамоаларнинг ЕЧЛ плей-офф босқичидаги кетма-кет бешинчи учрашуви бўлади. Мусобақанинг аввалги мавсумида "Реал" ўтиш ўйинларида "Манчестер Сити"ни 3:2 ва 3:1 ҳисобларида мағлуб этган эди.
"Бу ажойиб жамоа, кейинги босқичга чиқиш ва турнирдаги иштирокимизни давом эттириш учун биз иккита ажойиб ўйин ўтказишимизга тўғри келади", — деди Бутрагеньо Canal+ телеканалига берган интервьюсида.
Дастлабки ўйин 10 ёки 11 март куни бўлиб ўтади. Жавоб учрашуви эса 17 ёки 18 март кунларига белгиланган.
