"Челси" бош мураббийи Лиам Росеньор Opta суперкомпьютери жамоа учун мавсумнинг энг қийин палласи келаётгани ҳақидаги тахминга муносабат билдирди.

"Мен ҳар бир ўйинга алоҳида ёндашаман. Бу ҳақда аввал ҳам айтганман. АПЛда ҳар ҳафта қийин ўйинлар бўлади.

Мен қайсидир ўйинни бошқасидан кўра қийинроқ деб баҳоламайман. Таркибдан ва кўрсатаётган ўйинимиздан мамнунман. Биз 12 та ўйиндан 8 тасида ғалаба қозондик, аслида эса 10 тасида ютишимиз керак эди. Бу ёмон натижа эмас.

Мен учун футболчиларнинг жисмоний ва руҳий жиҳатдан иложи борича тетик бўлишлари муҳим. Машғулотларда жамоа яхши кўринди", — деди Росеньор журналистларга.

1 март куни "Челси" "Арсенал"га қарши майдонга тушади.