Франция чемпионатининг 26-туридан ўрин олган ва 14 март, шанба кунига белгиланган "ПСЖ" ҳамда "Нант" ўртасидаги учрашув апрель ойининг охирига кўчирилиши мумкин. Париж клуби Чемпионлар лигасининг 1/8 финалига яхшироқ тайёргарлик кўриш мақсадида тақвимга ўзгартириш киритишни сўради.
"ПСЖ" клуби "Нант"нинг розилигини олгач, Профессионал футбол лигаси (ПФЛ) директорлар кенгашига ўйинни 2026 йил 20 апрелдан бошланадиган ҳафтада ўтказиш илтимоси билан мурожаат қилди", — дея хабар берди ПФЛ "Ouest-France" нашрига.













